AKILIMDAN SIKMAYDI
Rahat geşsede kartlığımBu şeer maga iş cukmaydıKöyüm, balalığım, caslığımAkılımdan iş şıkmaydıKündün Tospa bayırından tuvganıKöterilip kökke şıkkanıKızarıp, Ardışlık’ta batkanıAkılımdan iş şıkmaydıTereklerindin yeşil caprağıAk bayırdın, ak toprağıMacırler şayırındın şorağıAkılımdan iş şıkmaydBol yüzümlü bavlarıŞuvuldaskan Nogay ballarıKoyu, sıyırı, mallarıAkılımdan iş şıkmaydıTuvar bakkan Bekir akayBızav bakkan Topal Şımay,Kozu bakkan Mıstapa babayAkılımdan iş şıkmaydıSogum üşün tana soyganımKel kaya’da koy cayganımKar cavganda şana kayganımAkılımdam iş şıkmaydıAt arabaga biyday cüklegenimBozan’ga aketip tüklegenimBulgur etip cegenimAkılımdan iş şıkmaydıKelin tüsüp toy pitkendePelvanlar cıyılsıp küreskendeCengenlerge berilgen, CüldeAkılımdan iş şıkmaydıAlpu şayırındın pişeniKoydun,sıyırdın süyüp cegeniTentek buga’dın bala süzgeniAkılımdan iş şıkmaydıKöylerdin aytuvlu pelvanlarıKüreste canbaska alganlarıIrgaşık tagıp cıkkanlarıAkılımdan iş şıkmaydıAtlap mingen Ciyren’imBasına takkan cüven’imArmanda aydagan düven’imAkılımdan iş şıkmaydıKözüm aşıp körgenimKörmek üşün üy töbede cürgenimAk betli, kara kaşlı süygenimAkılımdan iş şıkmaydıAkılımdan şıkmagandın azı bunlarTaga köp aytılayık şiy barAma, tüz töbeli kerbiş üyüm,Kişisi azaygan cartı köyüm
Akılımdan iş şıkmaydı


KOREMEN

Seksen casım tolturup
Üyde, bir köşede oturup
Ekı közüm tars cumup
Men nelerdi köremen
Ak sılavlı üyümdeBu aruv Nogay köyümdeBala bolup, cas bolupCürgenimdi köremen
Künler cılınıp koy cuvmagaKoy cuvgan son,şobunmagaKöy kenarında Porsuk şayınaKırgenimdi köremen
Kış bolup kar cavgandaSalim babaydın bayırındaBala şagaman, şanaTepkenimdi köremen
Caz bolup orak’ka şıgıpArpa,culap,biyday şalıpTırnavuşman, senekmen üygenŞırenimdi köremen
Ayvan tolu edı azbarımızAt tolu edı aranımızİşlerinde süygen at’ımCiyrenimdi köremen
Bir minsiz Saraş’ka yasatkanCiyren at’ım basına takkanKümüs işlevli, ak moyşaklıCüvenimdi köremen
Toy yasalıp koşu bolurKart’ı cası ep kosulurOzmak üşün Ciyren’ımeMingenimdi köremen
Cıyın bolsa, cıyılısıpKızman cas şın aytısıpZavktın aruvu bu eken depKülgenimdi köremen
Köydün aşşa betindeÖrgülü şaşları belindeŞimdi kimisin kayerdeSüygenimdi köremen
Caz pitip küz geşkendeSuvuk bolup kış kelgendeAtamdan kalgan şontuk ton’umKiygenimdi köremen
Körgenlerimdin bunlar yarısı,Kaş casımda es’ıme tüser kerisiAmma, közümdü er cumgandaMen köyümdü köremen

Men karttayatırmanda, kartlıktan korkkan bir şiirimdi yazayım dedim.

KARTLIK
Calgızlık yaman şiy eken
Tuvra sözüm, mat boldu
Cokluk yaman şiy eken
Öz tuvganım, cat boldu
Kartlık yaman şiy eken
Aygır basım, at boldu
Nogay atalar bılay degen
Cokluktu,calgızlıktı bilgen
Kartlıktın keliyigin körgen
Kelme sakın maga kartlık
Kara sakalımdı ak etersin
Koluma baston berersin
Ne eken menimen, senin dertin
Kelmiytur bıraz taga kartlık
Kolum titrer yazdırmazsın
Perde tüser, ködürmezsin
Tisimdi töger,cedirmezsin
Seni ne etiyim men kartlık
Catkızsalar, turguzmazsın
Turguzsalar, cürdürmezsin
Kimsege birşiy dedirtmezsin
Seni kaytiyim men kartlık
Balama şırayın akşayttırırsın
Kelinime közün bakrayttırırsın
Bikeme tisin ırcayttırırsın
Saga ne diyim men kartlık
Atam, anam anyaka köştü
Casım yetmişti köpten geşti
Torunlarım boyuma cetisti
Keliyik bolsan kel endi kartlık
Şorşup şapşıp cürer edim
Kart körgende küler edim
Maga kelmez der edim
Bek keşikmiy keldi kartlık

SORDUM

Tinevin keşe tüs kördüm
Sağıngan köyümde cürdüm
Sağınganlarım kaytedi dep
Maga körüngenge sordum.

As pisirp peşke ötmek atkan
Ebin tabıp cayuv sokkan
İnimdi,sinimdi,meni tapkan
Anamdı sordum.

Tanda turup kırga ketken
Kas karargan sora kelgen
Balam,bikem bay bolsun degen
Atamdı sordum.

Atalarım man anılgan
At’larman birge aytılgan
Bek köp evel coytulgan
Botamdı sordum

Anam oga et,may koskan
Ot cağılıp ocakta pisken
Şanak şanak toymay işken
Sorpamdı sordum.

Şal biyege şorşup mingen
Belbevin baylap küresken
Cıgılmadım dep tiresken
Akamdı sordum

Menden azakay üyken
Meni özünden köp süygen
Men avursam,canıp küygen
Tatamdı sordum

Üyge kirse törge kaykılgan
Cumartlıgıman aytılgan
Özüde bek şalışkan
Şokamdı sordum

Maraması celbiregen
Cürgen ceri tentiregen
Toyda şın aytıp cürgen
Totamdı soradım

Kış catakta araba yasagan
Caz armanda tasuv tasıgan
Pışagın bir minsiz kayragan
Cakamdı sordum.

Peşte cangan tobanımdı sordum
Koy bakkan şobanımdı sordum
Bek sağınganman cartı köyümdü
Cat’ımdı,tuvganımdı sordum.