PAPIR (VAPUR)

Kıştın buv degen vakıtında köydeki kerbiş cer üyünde cıllı peştin tübüne oturup cavurnun peşke süykegen Incıkan ayyiy esinden bılay şiyler tüsündü :
– Endiği bek kartaydım,Böralidin anyaka köşüp ketkeni kayda kaldı.Eveli urşukman cün iyirip,torunlarga kazak,şorap örer edim.Şimdigi ana gaz lambasındın küyelengen camın silip zor cagaman.Mendiy etken kartlarda azaldı,bu kış kününde ne onlar maga kelaladı,ne men onlarga ketalaman..Üyde oturup tırsıgaman ama kaytiyim.
Bunlardı öz özüne aytkan son tentirmentir etip turdu,terezeden tısyaka karadı, eki kelinimen üylü bolgan eki kız onlarga kelgenler, cuvuruklap askanaga, özlerindin üylerine kirip şıgıpyatırlar.
-Bunlardın bir telaşesi bar ya maga aytmadılar dep tüsündü,kaytıp gene peştin tübündeki minderine oturdu.Bek keşikmiy kızındın birevimen kelini keldiler,bir sinimen ciyiklerin akeldiler.
-Ne cuvuruklap cüresiniz siz menden birşiyler casırasınız dep aytkanda;kızıda
-Cok casırganımız nemiz saga olay keledir desede oga köstermiy anyak karap küldü.Onun külgenin abaylagan üşün,bek ösesip temelli meraklanıp sordu :
-Cengene karap maga köstermiy küldün, menden casırmay aytınız degenimen,kelinide;
-Senin şerde oturgan kişkene karındasındın ulundun toyu bolayık,biz oga ketiyikmiz,ulların seni de aketiyik ediler ama kış kıyamette tonguzur avurursun dep senden casırdılar, telaşemiz o dep, ayttı
-Kar degeniniz cerden kökten boratıp cavsada mende ketermen.Karındasımdı bek sağındım.Kaviy etip kiyiynirmen at arbaman istasyonga gadar tonmadımmı papırga mingen son birşiy bolmaz dep aytyatkanda,üyken ulu kelip işkerge kirdi.Onun aytkanların ayatta ekende tuygan üşün üşküyge kiryatkanda külüp :
-Anay dedi trenge papır demekti endigi tasla.
-Biz köşüp kelyatkanda Köstence den papırga mindik ondan son men maşinaday şiylerge iş minmedim aketip meni kıdırtmadınız, endiğide menimen seleke etesiniz menide akır künlerimde aketip tren degen şiyge mingizinizde mende körüyüm dep aytkanıman üyken ulundun közleri torlanıp:
– Olay bolsa aruv etip kiygizsinler seni.Köyden istasyonga gadar at arabasıman ketiyiksiniz istasyondan sorada senin papır dep aytkan trenge minip şerge barayıksınız dedi.Incıkan ayyiy bek süyündü o keşe uyklayalmadı.Cas künlerinde tren colundundun kenarındakı tarlada akayı Böralimen şalışkanda trenler yakınlarından geşyatkanda, mına papırga meni iş mingizmedin Börali der, o da oga külüp onun atı papır tuvul tren dep aytar edi.O keşe süyüngeninden uyklayalmadı,Akayındın kiygen tilki tonun sandıktan özü şıgardı. Şalıma oranır,Boralidin tonunda cabıngan son tonmam dep tüsündü.
Erten boldu,üydün kalkı turdu,toy üşün katlama şilter pisirip sinimen bokşaga tüydüler.Özleri kiyinip azirlendi,Incıkan ayyiydin üylü eki kızı,eki kelini birde kişkene ulu Keldamet altavı toyga ketiyik bolup arbağa mindiler.Onlardı istasyonga üyken ulu Bavbek aketip tasladı.Ava bek suvuk eryak karlı bolgan üşün istasyonga barganşek Incıkan ayyiy tonsada indemedi.İstasyon kişkene kasaba istasyonu bolgan üşün ketiyik colculardın beklegen salonuda suvuk,sobası canmagan.Onda biraz tonsalarda gene indemiy trendi beklediler ya tren keşikti.Onlardan başka köp colcuda bar edi.Kişkene salonda bekliyatkanda ara da bir Incıkan ayyiy ulu Keldametke:
– Papır kelmiymi balam. Dep soragan saytın ulu da;
– Teerli kalgan diydiler,kelir ya tongan bolsan aytta ana sobaga biraz cagayık şiyler tabıp
Akeliyim dep aytsada Incıkan ayyiy tonmaganın ayttı ya, oysa tonupyatır edi.Kas karargan son tren keldi.Trendin üşüncü mevkıysı tolu bolgan üşün tıkışıp zorman mindiler.Keldamet kompartımanlarga karap anasın cerlestiriyik boldu ama trendin ara koridorlarıda tolu edi.İş cer tabamadı.Kalbalık bolgan vagonun aldındakı bir vagonda azakayda bolsa tena edi,Anasın aketip koridorga taslap:
– Anay sen biyerde tigilip tur,biyeri em tena emde azakay cıllı,men bikelerdin kasına ketiyim,zaten columuzda yarım saat gadar dep ketti.Incıkan ayyiy kompartımandın birevinden işkerge karadı eki akayman eki bike oturu,kanepeleri kızıl,cerde bar, kapıdı tegaran tartıp işkerge kirdi:
– Colunuz kayırlı geşsin,kayırga karşı ketiniz dep kızıl kanepege oturdu.Akaylardan birevi oga karap:
– Teyze burası birinci mevki,yerlerde dolu sanırım senin yolculuğun pek uzun değil,kondüktör gelince seni indirir dedi.Incıkan ayyiy tuymagan kisi boldu ama o cas
Bir taga aytkanda oga aylanıp :
– Biyeri cıllı,istasyonda da tonduk buyuktuk.Columda kıska,biyerde de tıkışık tuvulsunuz men turup ketmiymen degenimen onlar birşiy aytmadılar.Biraz sora ceketindin cagasında kızıldın üstünde sarı temirler yıldızlar bolgan birevi kelip, Incıkan ayyiyge:
– Teyze biletin nerede,hem burada dört kişilik yerin hepsi dolu, sen üçüncü mevkiye geçeceksin,haydi kalk seni götüreyim.degenimen Incıkan ayyiy:
– Men turmayman da ketmiymende, biyeri onlardın atasındın cerimi, bu papır da senin
atandın papırımı dep aytıp erisip oturgan cerinden turmadı.Üyerdekiler küldüler, bu arada trende şerdeki istasyonga keldi.Incıkan ayyiydin uluda kelip anasın tüsürdü ama aytılganlardı tuydu.
Karındasındın üyüne keldiler,özündün cuvukları,köp şakırtuvlar kelgenler.Erkeslermen körüsüp kuşaklastı, süyündü.Oturup anlatmağa baslaganda oga tuyurmay karındası, Keldametke aylanıp :
– Bu kışta kıyamette tonguzmay akeldiniz tatamdı, körüştük sav bolunuz degenimen aytılganlardı tuyup karındasına :
– Mınavlar menden toyduda casırıp aytmayık ediler ya men tuyup erisip keldim.Papır da da kalabalık arasında ayakta zor tıkışıp keldiler ya mende cıllı cerde oturup keldm degenimen; Keldamaet bolganlardı anlattı.Epsi külüstüler. 12.Ocak.2008

Necdet ÖZEN
Aktepe (Rıpkıye)-Alpu-ESKİŞEHİR