ALTIN URLUQ – Nüzet ÜMEROV
Masal

Bir qış künü
Açköz Torğay
Yolda taptı mısırboğday.

Qar içinde
Çeke horluq
Fındıq kibi altın urluq.

Torğay oñ taraftan baqtı,
Torğay sol taraftan baqtı:
– Özüm aşar edim amma,
Sığmaz mısır boğazıma.

Suvuq çölde
Yeller sızlay,
Qomşusına kele Torğay:
– Canım eşek,
Közüm eşek,
Maña bir yardımcı kerek.

Qar içinde
Yata yolda
Bir balaban mısırboğday !

Quş artından
Yana, pişe,
Yolğa çapıp çıqa eşek.

Küzde pişken
Tatlı qoçan
Köz ögünde tuta ayvan.

Eşek oñ tarafa baqtı.
Eşek sol tarafga baqtı:

– Qayda,
Körset maña , Torğay,
Maqtanlığan mısırboğday?!
Açuvından Torğay küye:
Aç közleriñ, soqur tüye!

Suvuq çölde
Yeller sizlay,
Boceknen korüşti Torğay:

– Ah, canım-közüm, qırmısqa,
Bir yardımcı kerek maña.

Qar içinde
Yata yolda
Pişken, tatlı mısırboğday!

Aytacağım, dostlar,
Qısqa –
Yolğa çıqmaqta qırmısqa.

Yüz kün keçe,
Ve yüz gece,
Niyetine yete böcek.

Çevre-çetke baqsa,
Köre –
Qır üstünde – yeşil terek.

Yapraqları ayrı-ayrı,
Qabaq gibi qoçanları.

Körgenine böcek şaşa:
– Özüñ taptıñ, özüñ aşa!

Aftalar qeçti aradan,
Torğayğa raztkeldi adam.

– Canım, közüm,
Çoban ağa,
Yardımıñız kerek mqña.

Ösip,solıp
Tura yolda.
Pişken, tatlı mısırboğday!
Qara quşlar
Çaldı ezan,
Ot üstünde qaynay Qazan.

Pişken qoçanlar
Qoqusı
Böle qoylarnıñ yuqusın.

Çölde
Şakal ağlay bazen,
Söndi ateş, suvıdı Qazan.

Taş üstünde
Çökip yuqlay
Qarnı aşqa toyğan torgay.

Yuqlay qoylar,
Tındı yeller,
Köre Torğay yañı tüşler:

Yollar boyu
Selbi terek,
Öre boran qarlı yipek.

Qar içinde çeke horluq
Fındıq kibi altın urluq�

KALGAY dergisinden alıntıdır