OKIDIGA ŞIKMAK ADETI

bo türli bakırmaların en canlısı,
en taze esimde kalganı,
şimdi bile kulagımda şınlay, cüregimde cata,
bo da mübarek ramazan ayında bolgan mukaddes adetlerimiz arasında,
biz ballar üşün “okidiga şıkmak” adeti.

Ey ya rabbim
ne güzel kunler nede tatlı unıtılmaz adetler,
ballar caminin katına, belli bolgan bir yerge toplaşalar,
ezan okugaşik özlerin aralarında oynaşalar, şakalaşalar, sabırsızlıkman ezan okımasın bekliyler,
hocanın minarege şıgıp birinci sözlerin tuyganıman ballar bar kuwetmen
“okıdı, okıdı akşam ezen okıdı
Şiybörekler kokıdı kokıdı”
Yada
“okıdı, okıdı şiybörekler kokıdı, kokıdı” dep bakıra bakıra üylerine kaytalar, anaları şöybörek pişirsede, pişirmesede iftar sofrasına oraza tutkanlarman baraba kurulalar ve awiz daminen aşaylar,

bo da bir haberleşme adeti, köynin bütün halkına iftar zamanı bolganın bildire, balalıgım en canlı,
en en süygen,
en cüregime yakın adetlerimizden bolganı şimdi,
bo kunlerde bolsa da köyimden uzak bir yerde yaşasamda közlerim yaşka tola

Nevzat Yusuf Sarıgölün bir yazısından alıntıdır

Men 1942 cılında tuvganman, balalığımda oraza caz kününe veya cıllı avalarga raskeldi. Balaban bir azbarda amcalarım, dedem, biz ayrı üylerde oturur, ama epimiz askanada asımızdı cer edik. “Keşe meni sarasında (sahur) turguzunuz” dep catar, ertengi kün yanganda, “Turguzmadınız” dep mugayır edim. Dedem de “Kişkene balalar sarasında turmay, üylege gadar tuttumu 1 kün sayılır” der edi. Akşam ezanına tuvra köyümüzdün orta cerindeki camige keter, camidin kalavına bitisik orta şeşmedin basında ballar cıylısıp oynar edik. Epimizde misir unundan kavurulup yasalgan ve işine şekerli suv kosulup tumalak etilgen “Talkan” bolur ve avuşumuzda turur edi. Akşamga tuvra köyümüzdün imamı Şepıyık Babay kelir ve onun tögeregine cıyılıp, kimimiz; “men orazaman,” kimimiz “men zapparman (oruç olmayan)” der ve kimiz de “men erten turup oraza bolganımdı mıtıp azakay piyner cedim” der, O da basımızdı sıypar ve “mıtıp cegende, oraza buzulmaz, zappar bolganlar öskende tutarlar” der edi. Ezan okur okumaz “Ezan okudu şülberek kokudu” dep bakırıp, cuvura cuvura üylerge keter ve colda da sözde orazamızdı talkanman aşar edik.

Necdet Özenin bir yazısından alıntıdır