KORAZ BOLUP ŞAKIRDI
Köydün balaları o kün kıbla betke tuvra şapten şıgarmağa kettiler. Kaytıp şuvuldasıp kelyatkanda Macirler şayırına taman karaganda Kocasuv’dun sisip taskanın, suvdun argı yagın appaşık bolup turganın kördüler.Üylerine kaytkanda akşam Boriy atasına aylanıp;
– Kocasuv tasıpkoyu argı yaktakı tüzlük oy appaşık bolgan,suv tartılmay oyaka ketiyik bolsan arabaman menide aketsene dep ayttı.Atasıda;
– Oyakta bizim tarlamız bar suvlar tartılıp otlar ösüp pişen bolganda olardı
Şalmaga ketiyikmen o vakıt akanman senide aketirmen otlardı şalıp arabaga tiyep akelirmiz kıştın künü sıyırlarman koylarımızga cem bolur dedi. Künler keşti avalar cılındı, nadaslar aydalıp pitti. Orak^ka şıgılayık vakıt kelmiy bir kün akşam gene atası;
– Yarın şayırga pişen şalmaga ketiyikmen Borgaziy’men Boriy’dide aketiyim körsünler dep aytttı.O keşe Boriy’din catıp uykusu kelmedi. Tanga cuvuk biraz uyklagan edi anası terezedi tıklatıp akası Borgaziy’men ekevin uykudan yattı.Boriy turup aranda atasındın kasına barıp atlardı şıgarıp arabaga cekkende yardım etti.Erten anasındın pisirgen omaş şorbadı iştiler atasıman, ama akası Borgaziy yene turup kelmedi dep ayttıskanda,Böriy cuvurup barıp catkan üşküydeki akasın turguzayım desede akası Börgaziy yene turmadı, zaten özü üydün tonguş ulu bolgan üşün savlemiy ösken edi.. Atasıda;
– Turmayık bolsa catsın, zaten bu kün eki araba akeliyikmiz anavbir arabadı tiyep akelgende kelir dep ayttı. Boriy’men ekevi kırga kettiler. Taskan suv tartılgan,cer kurup otlar üyken kisidin tizine şek ösüp pişen bolgan.Boriy’de otlardın işinde cuvuruklap oynadı atasıda üyerde komşularındın birevindin makinasına üş atın cegip pişen şaldı artından tırnavuşman tırnap şalgan pişenlerdi kişkene şiren yasap üygen son senekmen arabaga tiyep köyge akeldiler.Colda pişendin töbesine şıgıp oturganda dım bolgan pişende tayıp oynayagın tüsündü Böriy.
– Köyge kelgende aranlarıman kalavdın kosulgan cerine azbarga kirilgen kişkene kapıdın üstüne takta salıp pişendi üyerge üydü atası.Sora Borgaziy’dide alıp üşevi yene kırga ketip pişendin kalgan soyun arabaga cüklep akeldiler. Atası aynı cerge pişendi üydü, taya day yüksek boldu. Boriy aldında arandın terezesinden atılgan ayvan gübresinden arandın töbesine şıktı, artındanda pişendin töbesine tırmasıp şıgıp pişen dım bolgan üşün töbege taman tayıp oynadı. Atası o ga karap külüp ;
– Azbar kapısına tuvra tayma sakın uyagı deren bircerindi sındırırsın arandın töbesine taman tay dep ayttı.Boriy’de yene tırmasıp şıgıp kolların eki yagına sallandırıp biryaktanda şipşediy ses şıgarıp tayıp oynadı.Ertengi kün köydeki akranı bolgan balalarman barabar yene tayıp oynadılar.Akşam üstüne tuvra akası Börgaziy’de kelip onlarga karap o da pişen tayasındın töbesine şıgıp kişkene balalarga kosulup oynasada boyu uzun bolgan üşün arandın töbesine tez tüseviyatagan boldu.Boriy gede ;
– Şipşe bolup bakırıp arandın töbesine tüsesiniz, men sizden üykenmen şipşe bolup bakırsam yat boladı degende, Böriy o ga ;
– Madem yalasın, o vakıt pişendin töbesinden azbarga tuvra tayarsın emde korazday bolup şakırırsın dep aytkanıman, biraz matüv bolgan akası o ga inanıp pişendin töbesine şıktı azbarga tuvra tayıp korazday şakırdı ama cerge tumalagan son cerden turalmay calpayıp kaldı.Kalgan cerinden ırbayıp cılap turmadı.Onun cılaganın tuygan anası cuvurup kelip karasa Borgaziy’din iyin süyegi ıncınıp koyu dep onu alıp cuvuk köydeki sınıkçı akayga akettiler. Sınıkçı akay da Borgaziy’din iyinin mayman uvup bezmen oragan, akşam keş vakıt üyge akeldiler Börgaziy bek munday kıtımırlıklar yasamaz edi mınday şiyler Böriy’din basındın astından şıgatagan dep üydün kalkı aytkanda. Boriy’de atasından korkup oga birşiy aytılmay tösekke kirip cattı. Ertengi kün atası ;
– Tayadın töbesine şıgıp taymak endigi yok dep Boriyge azakay kızganda Boriy’de;
– Akam da koraz bolup şakırayıgına mendiy şipşe bolup şakırıp arandın töbesine taygayyedi birşiy bolmaz edi degende üydün kalkı külüstüler.Zaten azakay savlemiy bolgan üşün Borgaziy pişendin töbesine birttaga şıkmadı ama Boriy yene tayıp oynap balalığın kıtımırlılların yasadı.
Sizlere Nogay köylerinden birinde yaşandığını düşlediğim olaydan kısada olsa bir hikaye yazmaya çalıştım.Yağmura son derece gerksinmemizin olduğu bu günlerde bol yağmurlarla zararsız su taşkınları dileğiyle sav bolup savlukman kalınız.
Necdet ÖZEN
Aktepe (Rıpkıye) Alpu-ESKİŞEHİR