Büyüklerimden dinlediğim ve hatırımda az bir bölümü kalan kısa bir Ertek ile yine kendi yazdığım manzum bir Erteği burada aktarıyorum. Eksiklerimiz varsa affınıza sığınırım.
BERDE AKAY (ERTEK-1)
Necdet ÖZEN
Ertegı ertek zamanda
Börtegı börtek zamanda
Kandın kızı kadı eken
Kara torgay cadı eken
Kaplı kuplu bakalar
Kanatlangan uşmağa
Suvdakı balıklar
Kira tutkan kaşmağa
Bır bareken,bır yok eken
Bır BERDE akay bar eken
Istanındın avu tar eken
Bır siymege zar eken
Berde akay,Berde akay degende
Berde akay şıkkan cuvurup
Şalgısındın sabın suvurup
Bır siyge eken
Altmış alt tiımen
Yetmiş cel tirmen
Seksen suv tirmen
Yüz kave tirmen
Aylandırgan
ÖTÜRÜKŞÜ (ERTEK-2)
Ertegı ertek ekende
Börtegı börtek ekende
Suvlar kaymak tutkanda
Şırkiy, Şubun’du cutkanda
Suv küyüp, balık canganda
Cengem Buga’dı savganda
Calgız bike cılaganda
Şapeliy Torgay şırlaganda
Kurt, kumurska coyulup
Cerden kökten kar boratıp
Er yak karman tolgan
Kara kattı kış bolgan
Bu kıştın kün bırevınde
Bır aruv Nogay köyünde
Köydün kenar üyünde
Cıllı peştin tübünde
Kurtka oturgan calpayıp
Kart’ta catkan cantayıp
Üy tınsık, tısyak tınşık
Kaslarında catkan mışık
Mırıl mırıl mırıldagan
Üydün kartıda kuruldagan
Keşedın bır vaktında
Bosagadın aldında
Ayakları kaltırap
Kulakları salpırap
Tısyaktakı suvuktan
Üydün it’ıde buyukkan
Aşlıktan bek bayılıp
Süyekleri sayılıp
Künlerdir birşiy cemegen
Ekı Kaskır körüngen
Bırevı ketken anav üyge
Bırevı kelkenmınav üyge
Koy ciyim dep karagan
Arandın kapısı kirtli
Tavuk ciyim dep karagan
Ketektın kapısı şeklı
Ciyik birşiy karap cürgen
Pısıp catkan İt’tı körgen
Ekı közün akşaytıp
Avzın,tisin ırcaytıp
İt’tı ciyik bolganda,
İt’te aytkan kaskırga.
Cıllı üydün işinde;
Cıllı peştin tübünde
Semiz bir Mışık bar
Şakırayım, onu kor
Begeniyik bolsan onu cersin
Sıra sora maga kelsin.
Kaskır’da buga inangan
İt’te Mışık’tı şakırgan.
Mışık tuyup kapıga kelgen,
Aralıktan,Kaskır’dı körgen
Üydün kapısın aşkan
Kaskırdın betıne şapşıgan
Ekı közün şıgargan.
Kaskır sokur bolgan
Azbardı dört aylangan
Kıştın günkü suvuktan,
Suvuktan,em aşlıktan
Ortasında azbardın
Canı şıkkan kaskırdı
Tan agarıp kün tuvgan
Köydün kalkıda turgan
Kaskırdın ölgenin tuygan
Tuygan kalkta cıyılgan.
Men öltürdüm dep kopayıp
İt’te basında oturgan şonkayıp.
Ölüsün körgenler Kaskırdı
Aperım dep sıypaganlar it’tın basın,
Kas kararıp, kün batkan
Erkezler üyüne kirip catkan,
Anav bır Kaskır adanasın beklegen
Bek keş bolgan ama kelmegen.
Barayım, anav üuge karayım
Adanasımdı tabayım,
Bılay aytıp barsa
Barıp kirip karasa;
Adanası ölüp catırı azbarda.
Kaskır’dın kelgenin tuygan
İt, gene Mışık’tı şakırgan
Kaskır kelip it’ke sorgan
Menım coldasıma ne bolgan
İt’te mışık’ka güvengen
Onu,men öltürdüm,degen
Mışık tuygan ama kelmegen
Kaskır’da it’ti cegen.
ERTEK BU, BAZI ÖTÜRÜK, BAZI UŞUN AYTILIR, NOGAY’LIKTI YAŞATMAK ÜŞÜN MENDE AYTTIM, SİZ TINLADINIZ. SİZDE ERTEK AYTINIZ CARIK BOLSUN COLUNUZ EPİNİZ SAVLUKMAN KALINIZ.
Necdet ÖZEN
Aktepe-Alpu-Eskişehir