ŞINLAR

CEMİL İNİM ŞAKIRGAN,KELDİM,
KOSULUP ARANIZGA CER ALDIM,
KARADIM TUTASINIZDI BİLDİM,
BEK ARUV TİLZARINIZ BAREKEN,
DAM İŞİNDEN DAM ALDIM,

İŞMAR ETTİM EREKTEN MENDİLİM COK,
ŞIMKARANGA CANCAGIM KANDİLİM COK,
CAGAYIM DESEM ŞIRAK PİTİLİM COK
CÜREGİM SÖZ TİRKEVLİ AYAVINIZDAN,
TUTASIN AYTBAGA ONGAYT TİLİM COK.

CASLARIMIZ ŞINGA HAVASINIZ BARMA?
KEREKTİR İŞİNİZDE SEVDANIZ BARMA?
BOLGANIDA CÜREKTEN ŞINGA AGARMA?
AVUR BOLUR ŞINDIN CÜGÜ TAVDAN,
TASIMAK UŞUN AT-ARBANIZ BARMA?

KARAKURADAN ŞIGIP TANMINAN,
KÖRDÜM SEKERDİ ANLI-ŞANMINAN,
AGİNDEN KELDİ KOLABA SORPAMINAN,
KIRKUYDA SİNGDİRDİK KURSAKTA,
İŞGEN SON ŞİPALI AYAKŞAYMINAN.

MANDIRADA BASLADIK TOY CIRIN,
OZDUK KÖSTENGİLGE AKIRIN,AKIRIN,
KARTLARDAN ALDIK SIY”DIN TALKININ,
SİYDAMETLİDE AKSAMLADIK BARIP,
ABOZDA TÖSLEDİK ATINI NOGAY HALKININ.

COK BOSADA MINDA AKRAN TENİM,
AYT DEDİN KÖBEYTTİM CEMİL İNİM,
NOGAY UŞUNDUR,NOGAY SÜYGENİM,
SEGİZ AVULDU GIDIRTTIM CASLARGA,
MAMMET ATIM ,AZAKAY SOZUK TİLİM.

*******************************

Şakırtuvsuz toyun bar,
Kozudan avel koyun bar,
Elding astında orun bar,
Men calangaş cerdemen, körmeysin.

Tizilgen töbede şıtım bar,
Taptalgan cerde ızım bar,
Törkünşükte gızım bar,
Kılmısda ınanmapban, körmeysin.

Casvınız kayırlı bolsun,
Cigen degenin sav bolsun,
Bala üyret meni bilsin,
Kartlardın işindemen, körmeysin.

Ayemdin topragını captım,
Cüzünü berdim atamdın,
Maazini menedim saladın,
Canbetinde cüremen, körmeysin.

Kobuz şalıp, kanekiy tebip,
Kozu soyup, kolaba tizip
Cas üylendirip, gız berip,
Toy etip cürümüz, Sen kaydasın?

Keyşekler tizdiler töbedi,
Caslar taptadı üytebedi,
Keyşegimiz törkünledi,
Kılmıs berip cürümüz, Sen kaydasın?

Kişkiyimizge casav basladı,
Ciyeni kelip, şetten ısladı,
Taa körmepgoysun baladı,
Biz kart bolup cürümüz, Sen kaydasın?

Ayendin salası berildi,
Atan ondan avel ketgenedi,
Sol zamandır ses kelmedi,
Seni sorap cürümüz, Sen kaydasın?