KÖĞIDIŞ
Necdet ÖZEN
Börtemir curtundan erekte memurluk yasapyatır edi.Balası kişkene bolgan üşün eki sene boldu ızınga şıkmadı.Bikesi; curtumuzdu sağındık trenmen ketsek balada colda bodalamaz dep aytkan son ızın alıp trenge minip bir kompartımanga cerlesip colga şıktılar. Colda bir kartman kurtka mindi kaslarına.Onlarda özlerindiy Nogay ekenler, aynıcerge barayıkların ayttılar.Colda tez kaynastılar.Mingen cerde memur bolgan balamızdı coklap kaytamız dediler. Börtemir’de köpten köp curtuna ketmegenin, curtun, tuvganların, curtundakı erşiydi, itin,mışığın,koyların,sıyırların bile sağınganındı ayttı.Ayvanlardan en köpte; Köğidistisağınğındım ama atman leşperlik pitip erkes traktör algan üşün atamda traktör aldı atlarımızdın epsin sattı dedi.Col uzun edi,kartman kurtka, özündün bikesimen balası uykladılar.Börtemir uyklayalmadı, közündün aldına Köğidiş keldi. Köğidiştin tuvgan künü keldi, o künlerge dalıp kett.
Ilkmekteptin birinci sınıpında edi.O cıl kış bek kattı boldu.Aranlarında atları köp edi, işlerinden şalbiye’din kulunlayık vaktıda keldi. Atası, er vakıt tanga cuvuk turar aranga ketip atlarga, sıyırlarga cem berir, sora kelip catar edi. O keşe atasındın ketkenin anavbir üşküyden catkan cerinden tuydu. Uykusu kaştı, uyklayalmadı.Atasındın kelmesi keşikti, terezedin perdesin aralap karadı, ortalık biraz carıklagan ama cerden kökten kar cavup boratıpyatır.
Keşikmiy atası keldi,karadı Börtemir yav. Şal biye kulunladıda onun üşün keşiktim dedi.Cat yuklada sora ketip körersin, men bile arandan üyge zor keldim dedi.Atası catkan son Börtemir gene uyklayalmadı, ayat kapısındın artından kürekti alıp, karlardı kürep özünme col aşıp aranga bardı.Barıp karasa kök bir tay anasındın emşegin emipyatır.tanalardan birevide cibinden şeşilgen taydı süzüyük. Aranda bekledi, atasıda turup keldi.Taydı beklegenin körüp kuvandı bunun atın*köktay* salayık,seniki bolsun dedi.
Börtemir’din közü köktay dan başkasın körmedi, onuman barabar östü, Köktay’dı aruv etip karadı, ösken son begaruv bir aygır boldu.Düvenge,sabanga,arabaga cegamadılar,oga Börtemir’den başkası minamadı. Atası bir kün , balam dedi; bunu satıp cerine bir at alayık bizge leşperlik üşün at kerek.Bunun minmekten başka paydası bolmaydı Börtemir razı bolmadı ama olay bolsa idiş etiyikte işke ğaydfası tiysin dediler.Sonunda köktaydı buradılar, idiş boldu.O zamandon son oğa Köğidiş dediler.Börtemir okup memur bolup şıgıp ketti. Köğidişte onlarga köp kızmet etti.Ondan son köylerge traktör kirgen üşün atasıda traktör alganıman atlardın epsin sattı.
Bunlar közündün aldında avunup turu ekende bikesi türttü. Şerge cuvuklıyatırmız dedi.Trenden tüstüler, köydün otobosuna garacga cetişsek dedi, az vakıt kalgan.Istasyondun aldında paytonlar tizivli turu onlarga miniyik dediler.Bir paytonga minip tez bizdi atabos garacına cetkiz dep ayttı Börtemir. Paytoncuda mınav atım arık bek kartaydı cuvurmaz degende atka karadı; bu dedi bizim Köğidişke usaydı dedi.Tüsüp kasına barıp karasa özündün Köğidişin kördü.Betin sıypadı, mannayın sıypap süydü.Paytonga mindi paytpn cönedi , Köğidiş kasında cegilgen atman barabar cuvurmağa basladı, köydün otobosuna cettiler.Paytoncuga atın sorap üyrendi.Paytoncuda bu attın bılay etip cuvurganına şaştım, menim atım Şerip, istasyonda kimge sorasan üyümdü körsetirler dedi.
Köylerina bardılar,tuvganlarıman körüstüler. O keşe Börtemir uyklayalmadı. Tanga cuvuk turup otoboska mindi. Istasyonga barıp, paytoncu Şerip akaydı soradı. Bu kün kelmedi dep yakınlardakı üyün körsettiler.Börtemir üyge ketip porta kapıdın aralığından karadı, payton cegilmegen kakrada tartıvlı turu. Kapıdı şaldı, paytoncu şıktı. Köğidişti körmege keldim dedi. Paytoncu’da cığıt dedi Köğidiş seni cetkiziyim dep, son cuvurganı boldu, kelip üyge arabadan tuvardım ama biraz sora öldü.Zaten bek arıgan edi cerina başka at alayığedim dedi.Bunu tuygan Börtemir üyerde cerge şonkayıp oturdu, közünden caslar keldi sorada kaytıp köyüne ketti.
Necdet Özen
Aktepe/Alpu/ESKIŞEHIR