– Ne boladı, bayram telaşesindiy cuvuruklaysınız, dedim. Anam:
– Yarın kıdırlez ya oga azirlenemiz, dedi.
O ara nenemde bizge aylanıp:
– Uzuv şuv etip basımdı avurttunuz, analarınızdın ayağına da şırmav bolasınız, ketip Tospa deresi betten, köküsburun cıyıp akeliniz. dedi.

Cuvuruklap ketip, canı şıkkan şimenlerdin arasından köküsburun cıydık, akelip anam alarga berdik. Ketekten, samanlıktan, tavuklardın kozlagan cerlerden cımırtka cıydık. Ocakta eki tencire bar edi, anam birevine akelgen köküsburunlardı, an birevine de sogan kabıkların kosup kaynattı, sora da işlerine bir köp cımırtkadı attı. Pisken son karadık, pembe bir de kökke boyalgan cımırtka pisti.

– Bunlardı kıdırlez künü ciyiksiniz, dediler.
Erten ötmeğimizdi cegen sora bayramga ketkendiy canı kiyiyiklerimizdi kiydik, üydün kaklı da kiyindi. Tinevinki künden yasalgan ciyiklermen biraz cayuv-minder alıp, Tospa bayırına kettik. Köydün kalkı cıyılgan.
….
Köydün kalkının akelgen ciyiklerdi; bikeler, kızlar, balalar epsi bir araga cıyıp ortaga saldılar.
Üylerde sogan kabığıman, köküs burnuman boyalıp pisirilgen cımırtkalardan aldık. Cımırtkalardı tokuşturup sıtıp cedik.
NECDET OZEN

HIDRELLEZ
Zobadın üstünde üken aluminyum bir güğüm, bir kumgan birövde kişikiy kazan bardı. Kişikiy kazanda suvdun işinde birköp cımırtga bardı.
…Bala işinden küldü. Sonra birden aklına kelgendey,
– Ana,ana cımırtgalar kaynadı ma ? dedi.
– Tokta, ta bar dedi anası.
Anası ayakşaylarını tolturdu. Hepsi barabar epteklerini cedi.
Eptek cep bolduktan sonra kurtga oturdukları üyge pitişik bolgan özü üyüne ketti. Bayı öldügünden beri o üydü pek kullanmaytandı. Aynı şardaktan kirilatandı üyge. Kapısını aşıp, kolundaki mumman kalın kerpiş duvarga kömülü agaştan dolabının kapagını aştı. Şeerde ögretmenlik yasaytan uluna torunları üşün akeldirdigi keşeli boya kalemlerini, suluboyaman fırçasını tapıp şıgardı. Hepsini peştemalinin kisesine salıp keri ballardın boldugu üyge ketti.

Zobadın üstündeki kazandı alıp suvunu aşnege bosalttıktan sonra işindeki cımırtgalardı cerge caydıgı şapıttın üstüne saldı. Ballardın ekövüde süyünüp ayelerine karaytandı. Bir bardakga su toldurup onu da cımırtgalardın yanına saldı. Kurtga bagdaş kurup cerge oturdu. Peştemalinin kisesindeki boyalardı şıgardı. Cerden eki tene cımırtga alıp torunlarına birer tene berdi.
– Navlardı boyanız dedi.
Ballar cerdeki renkli keşeli kalemlerden alıp ak cımırtgalardı renk renk etip boyaladılar. Kurtgadın özüde boyalabyatırdı. Hepsini boyap saldıktan sona torunlarına boyalattığı cımırtgalardı tokuşturttu. Eki cımırtgada sındı. Kurtga torunlarına cımırtgadı kaydiy toguşturyaklarını kösterdi.
– Olay tuv !. Cımırtgadı navyerinden naday etip ıslanız, nav sivri cerimen anav cımırtgaga sogunuz dedi. Ballarga hem anlatıp hemde kösteretandı kayday bolyagını.
Sona kenşek, kurtgaman ballarının boyaladıgı cımırtgalardı bir şapıt torbaga saldı. O torbadın işine gene kalakay, kek, kavanozda cuvurt, tuz, şökelek, may,şatal, kasık,tabak ve anav öteberileridi saldı.
Bala süyünüpyatırdı. Tünevün okulda öğretmeni sınıfta ballardın hepsine, erten hıdırelez, onun üşün cımırtga kaynatıp,boyalanız, canınızgada ciyik bişiyler akeliniz tavga şıgyakmız degendi.

Anasının hazırladıgı sıprada şugul şugul karnını toyurdu. Turdu kara önlügünü kiydi. Anası da ak cagalıgını moynunda tüymeledi. Şantasıman azıgını alıp ayagına suvukkuyu ayakkabılarını kiyip sıyaka şıktı. Kapıda ayesi yanına kelip koluna bişiy tutuşturdu,
– Bu ne aye dedi bala
Karadı, aynı cımırtgaday yasalgan , boyangan bir agaştı. Başta onu cımırtga sangandı ama tuvdu.
– Bunu atan casagandı, cımırtga toguşturyatırkende ballardı bunuman kandırısın dep küldü ayesi.
…..
Bir ara koca, ballardın birövünü yanına şakırdı. Boyalı cımırtgalarını tokuşturdular. Kimdin cımırtgası sınmazsa o ütetandı. Koca baladın cımırtgasını ütgendi. Koca üttügü cımırtgadın kabıgını sıdırıp cımırtgadı ortadan ekige böldü. Bir parşasını üttügü balaga berdi, anav bir parşasını özü cedi. Bunu körgen ballardın hepsi heveslendiler. Onlarda boyadıkları cımıtgalardı birbirlerine kösterdiler, en aruv boyangan cımıtgadı şeştiler sonrada cımırtgalarını tokuşturmaga basladılar. Ütgen , ütülgenmen üttügü cımırtgadı bölüsüp cedi. Bala ,ayesinin özüne berdiği boyalı takta cımırtgadı şıgarıp arkadaşlarına şaka yasadı. Köbü basta essak cımırtga sandı. Kimmen toguştursa cendi sonra da onlarga cımırtgadın takta bolganını aytıp küldü.
HAKAN BENLI