NOGAY TAKMAGI

Acılıkten Kaytganda Bir Bay Nogay
Paragotta Bek Yaman Dalgaga Ogray
Avdarıla Cüregi Döne Başı
Tüşe Cerge Burşaktay Közün Yaşı
Bek Tartışıp Kuskanda Adaklar Aday
Diy.. -Kırk Koyun Sadaka Tek Kurtar Kuday

Aykan Sözüm Eş Cutmam Ermendır Men
Kayrat İşin Kurarman Bir Celtırmen
Kop Calangaş Bedava Tartsınlar Un
Cagarları Coklara Berermen Odun
Borşka Tükan Aşarman Bedava Pırım
Saga Dep Mevlam Aytaman İşim Sırım

Süyer Kulum Mollağa Cabarman Bir Ton
Adaklarım Etmesem Katsen Et Son
Ayt Şu Yavur Denizge Kuturmasın
Men Garıpnı Öltürüp Oturmasın
Alla Başım Bedenim Cüreşıgım
Sabiylerim Evladım Zöreşıgım

Neşın Şıktım Men Matüv Özköyümden
Keşke Ölüm Şıksa Edı Cıllı Üyümden
Yavaş Yavaş Yel Tına Aksay Dalga
Nogay Garıp Kelıp Bir Aruv Alga
Diy.. -Tükanı Pırımı Boştur Onun
Mollagada Ne Şikar Cartı Tonun

Al Bir Cartı Celtırmen Kataytayım
Bedava Dep Onu Elge Katıb Aytayım
Degenindiy Tırmenşı Tabıla Koymay
Tabılsada Az Şiymen Karnı Toymay
Aman Esen Kurtulup Kelsem Bir Gun
Şu Kırk Koyunun Otuzun Soymak Mümkün

Otuz Diymen Tıl Kaya On Diycekmen
Yok Pışakdı Bey Koyga Şiltiycekmen
Paragotta Yaklaşıp Cete Şetke
Nogay Közün Bek Tıgıp İskele Bette
Diy.. -Ey Mevlam Kurbanın Birisi Ceter
Etken Kişi Kayratın Şaytıp Eter

Canaşkan Son Paragot Şetke Cetıp
Nogay Şıga Herşiyni Ziyşuv Etip
Diy.. -Aldatıp Kudaynı Derya Kaştım
Endi Alay Adaktan Men Vazgeştim.

NOGAY TAKMAGI isimli şiir değerli şairlerimizden, Memet NUZET’e aitdir. NOGAYNIN ADAGI adı ile Bursa Kırım Türkleri Kültür ve Yardımlaşma Derneğinin yayın organı olan KALGAY dergisinin Temmuz-Ağustos-Eylül 2003 tarihine ait 29 nolu sayısının11.sahifesinde basılmıştır.

Saygılarımızla.

Adnan SÜYEN

Bursa Kırım Türkleri

Kültür ve Yardımlaşma Derneği Başkan’ı

SAGINDIM
Sagındım köyumdu sızdı sagındım
Bahar, kıştı, cazdı, kuzdu sagındım
Camgur cavmay kurup kalgan zamanda
Esıp savurulgan tozdu sagındım
Balalıkta atarbamız baredı
Collarga cızılgan ızdı sagındım
Bır zamanlar tana baktık mal baktık
Aşıkuyda şay asgan közdu sagıdım
Köp şalıştık mecımekte patosda
Tan atgayşı cutgan tozdu sagındım
Agındın şölu ,der erekten aytgan
Tuzgölunde cıltıran tuzdu sagındım
Koyanını, torgayını, toyunu
Havada suzulgen gazdı sagındım
Aydıklıkte haydı haydı zamanda
Toylarda şalıngan sazdı sagındım
Bikem boldu ballarımdın anası
O kınalı şaşlı gızdı sagındım

http://elmakurdu.forumup.com/viewtopic.php?t=2909&mforum=elmakurdu

BARAMAN KOYÜMGE

Aktepe dep saldılar atın.
Bayırları ak, topragı şorak.
Men tuvdum toymadım,
Arada baraman men köyümge.


Men köyümden şıkkanda
Kol salladı terekler
Gurbetlerde ömürler geştı.
Arada baraman köyümge.


Kır şeşmedı kıdıraman,
Dedem şeşmesin coklayman.
Endi caz keliyik
Barayıkman köyümge


Cılap cılap cazdım.
Men sagındım koyümdü
Barbütünler bolganda,
Barayıkman koyümge.


Senede bır ketemen
Az keledı maga.
Otun, topragın kıdıraman
Kaytamayman men gurbetke


Salim babam şeşmesi
Suv tökedı arkamdan.
NOGAY koyüm kaladı,
Ozgarıp arkamdan.

Yazan: Kader TANATAR HOŞGÖREN
http://elmakurdu.forumup.com/viewtopic.php?t=1909&mforum=elmakurdu

Şakırtuvsuz toyun bar,
Kozudan avel koyun bar,
Elding astında orun bar,
Men calangaş cerdemen,körmeysin.

Tizilgen töbede şıtım bar,
Taptalgan cerde ızım bar,
Törkünşükte gızım bar,
Kılmısda ınanmapban,Körmeysin.

Casvınız kayırlı bolsun,
Cigen degenin sav bolsun,
Bala üyret meni bilsin,
Kartlardın işindemen, körmeysin.

Ayemdin topragını captım,
Cüzünü berdim atamdın,
Maazini menedim saladın,
Canbetinde cüremen, körmeysin

– 2 –

Kobuz şalıp, kanekiy tebip,
Kozu soyup, kolaba tizip
Cas üylendirip, gız berip,
Toy etip cürümüz, sen kaydasın?

Keyşekler tizdiler töbedi,
Caslar taptadı üytebedi,
Keyşegimiz törkünledi,
Kılmıs berip cürümüz, sen kaydasın?

Kişkiyimizge casav basladı,
Ciyeni kelip, şetten ısladı,
Taa körmepgoysun baladı,
Biz kart bolup cürümüz, sen kaydasın?

Ayendin salası berildi,
Atan ondan avel ketgenedi,
Sol zamandır ses kelmedi,
Seni sorap cürümüz, sen kaydasın?

İSTANBULGA KÖŞÜV

Aylana akkan ak koban
Ayrım ayrım keng togay
Kayda ketıp yoyıldı
Yagasına yayılıp kongan köp nogay

Koban boyu kök ağaş
Ağaş bası burlendı
Töh ay nege ettı
Yaman yalgan dunya basımızda turlendı

Kapıstaman badrajan kara suvda kaynasa
Üyrenmegen yaslar dep bızım nogay ullardı
Patışa tutup kıynasa
Ol zaman da ne etermız?

Eğer patışa yol berse Istanbulga ketermız
Ketsek ne zat etermız
Aylak terıs etermız
Ketkenımız ne taptı?

Mıng uş yuz otuz sanede
Ya hayırga ya şerge dep
Istanbulga halk köştü
Köştü bolsa ne taptı?

Aldıska kelgen karalar
Emşekteğı balalar
Beren kalgır turk yerinde
Yayav yurup suv tappay
Akırında kum taptı

Kayırga dep el köştü
Kayır kaydan tabılsın
Kayır suvga ketken song

El suklangan ak kobandı kaldırıp
Yer yartısı kara dengız kak yarıp
Köp nogayım turk yerıne yetken song

Yayılıp kırda yaşagan
Kımızıman koy yılığın aşagan
Ellerden el ötüp maktalgan
Aytuvlı nogay yurdu tas boldu
Kıl yalavlı kalmık bızge kas boldı

Esap etıp karasang köp saneler avustu
Köbsıngen iyt mırzalar erisıp
Alem maytak, köp nogay, kalım nogay
Avur yurttu tavüstü

Edıl Yayık ekı suv
Bır sanede yayıkkada sıymadık

Yerı yennet suvu serbet
Keşınmege kütınmege kolaylı
Erıkken kun dombaylı
El suklangan ak kobandıng toppa tolu nogaylı

Yeryüzününg körkü dep
Ağaşay bar karagan
Şorkragı şor şor etıp ağagan
Kıyıvlu yağa koban bar
Kobanda ayrı kuyruk saban bar
Kobanda taram taram toğay bar
Toğay tolu nogay bar

Bu ne degen koban tolu el edık
Ne şık yaşay turu edık
Yarlıkban yalgızlık bızge yos boldu
Kalım şerkeş köp nogay
Teng yaşagan tolu koban bos boldu

Azgana kalgan nogayga
Ak kobandan ayırmay
Mavlemız bırge köştü

Savdat alsa bızden
Orıstın ötpeğı azık bolar tınglangız
Mınnan arı bız ketsek karıp kasar
nogayga yazık bolar anglangız.

Nogay şiirler

Nogay şayim sari şay,
Bal şekerden tatli şey.
Nogayimdin asi şay,
Aslarimdin basi şay.
**
Börtüp börtüp kaynagan,
boza tasta oynagan.
Adem işip taymagan,
Nogay şayim sari şay.
**
Kalemperi kokugan,
Burcu tuzu tatigan.
kati kaymak katilgan,
Nogay şayim sari şay.
**
Nogay şayim sari şay,
Denge derman dari şay.
Nogayimdin asi şay,
Aslarimdin basi şay.


Yerim menim
Kara yerdi tamir edip,
atam-anam tapkan yerim,
kara yerdi kabir etip,
babalarim yatkan yerim.
yerim menim-yerim menim.


Balam menım
Balam menim, aq bala,
Aq bizavvdi baq bala,
Aq bizawdi baqpasan – aw,
Qaymaq saga yoq bala.
Aydaydüw balam, ay dasi da,
Qaşan tiyer paydasi?
Yaz tiymese, küz tiyer-aw,
Yarli kastin allasi.
**
Menim bebem bel türsin,
Bebem qoyan keltirsin,
Ooyaninnan ayirilip,
Yolda yilap altirsin,
Biyisin, baia, biyistn,
Beline sasi kuyilsin,
Aq terektin astindan,
Qart atasi da kelsin,
Kalempirdin kasinman
Qart ayesi de kelsin,
Beline kiliş baylagan
Beş agasi da kelsin

NOGAYIMA

Calangaş ayaklarman cuvurdun ma tarla tarla?

Esittın me taylak topraktın, dertlı karttın sesını?

Cılaytaan bikelermen, kart kutgaman şıktın ma bır cavun duvasına?

Boz bulanık şeşmelerde şomundun ma?

Kulagındı berdın me tavdan kelgen sıyırlarga?

İpek namazlıktın üstündey bolup, huzurman toktadın ma toprakta namazga?

Bılesın me avulda tan kararganda şegılır kol ayak ortalıktan…

Şıraktay bolup bır ay tuvar karanlıkta sapsarı…

Bozlaktay bolup dolaşır kapılardı, terezelerdı baka seslerı, it ulumaları…

Süt kokur, tezek kokur aşenelerı…

Kalakay kokur pırın şetlerı.


Albaslı masallarını tınlıyatırganda ürperıp, tandır basında uyuklap kaldın ma heş?

Kıstın künü küredin me ütebedekı karlardı?

Kördün me talazdı, savurataan tıpıdı?

Süvüttü kavlatıp, şıgarttın ma düdugundu?

Tavlardan bugum bugum şapten topladın ma heş?

Caz aksamları “ay kördüm” dep bakırdın ma?

Cuvurdun ma tesık şarıkban şayırlıkta?

Tolu cavyatırganda karadın ma, akandın tıtregen kollarına?

Bazlamaga sarımay cagıp cedın me heş?



Şeklın şemalın heş makılıma catbadı.

Söylegen lafların bızım lafımız tuvul.

Başka şeşmelerden tolturgansın tostakayındı.

Cüregınde nakış cok, sızlavın cok bızge usagan.

Bulutlar rahmetını kesbeden avur avur;

cemaat selamını esırgemeden;

ızgıp ket ışımızden…


o noğayım! sensiñ halkım!
menim yürek yanımda!
sawlay menim noğayım
şaşırağan Kıralda!
KALAY YÜREK AWRIYDI
SOSI YESKE KELGENDE!
OH SEN HALKIM! nOĞAYIM!
BEK SÜYİKLİ SEN MAĞA!


SAGINDIM – cemboyluk

Sagındım köyumdu sızdı sagındım

Bahar, kıştı, cazdı, kuzdu sagındım

Camgur cavmay kurup kalgan zamanda
Esıp savurulgan tozdu sagındım

Balalıkta atarbamız baredı
Collarga cızılgan ızdı sagındım

Bır zamanlar tana baktık mal baktık
Aşıkuyda şay asgan közdu sagıdım

Köp şalıştık mecımekte patosda
Tan atgayşı cutgan tozdu sagındım

Agındın şölu ,der erekten aytgan
Tuzgölunde cıltıran tuzdu sagındım

Koyanını, torgayını, toyunu
Havada suzulgen gazdı sagındım

Aydıklıkte haydı haydı zamanda
Toylarda şalıngan sazdı sagındım

Bikem boldu ballarımdın anası
O kınalı şaşlı gızdı sagındım

Nogaymız dep aytkan atası
Özün bilmey cürü balası
Balasına sorsan navu ne dep
Bilmez Atasının cegeni alaşası

Üyken söz etbeyim dep turuman
Kart akası cürübüyatır uluman
Özün bilmegen Nogayga sorsam
Aytar men Kudaydın Kuluman.

Karasam Nogay Şınlabyatır.
Gızı Ayyesin tınlabıyatır.
Atasıbaskadın avzuna karamay
Özünün Tilin Üyreniyatır.

Men aytarman öz halkıma
Kımse közün tıkbesin cılkıma
Alaşada Cermen kımızda işermen
Mollalar kelip okusun dua kırkıma

Menim işkenim kımız bolsun
Cıkkanım Alaşa semiz bolsun
Kudaydan taa ne tılesem
Kök cuvluklu kız menim bolsun

Alpıska kelgen karalar
Emşekteğı balalar
Beren kalgır turk yerinde
Yayav yurup suv tappay
Akırında kum taptı

Kayırga dep el köştü
Kayır kaydan tabılsın
Kayır suvga ketken song

Töh ay nege ettı
Yaman yalgan dunya basımızda turlendı