MASAL TEKERLEMESİ

Aman aman ekende zaman zaman ekende,karılgaş kadı ekende,öpapîşîk(ötmegen bîr kuş)ulema ekende, şöşamıy şelebî ekende, deve berber ekende, eşkî tellal ekende,cılan cellat ekende,kırmıska pelvan ekende,legelek imam ekende, gogücük müezzîn ekende,torgaylar cemaat ekende,koyan korucu ekende, ayuv bekşı ekende, kaplambakalar kanatlangan uşmaga, deryada kı balıklar kira tutkan kôşmege, Akmescit`in mınaresı îyîlîp kelgen suv îşmege, bîr zamanda bar eken bîr zamanda yok eken����.

KOYAN MASALI

Menîm bîr koyanım bar edî. Bîr kûn canı sıgılgan mıngen terekke:
-Terek terek menı sallasa, degen. Terekte oga:
-Vay sallamam, degen. Koyan da oga:
-Mına senı eşkıge aytayım da yapragınnı aşasın, degen. Oyerde eşkı otlatıp cürgen bî şoban bar eken.Onun eşkılerının canına bargan:
-Eşkı eşkı, degen. Terekke ayttım menı sallamay şo teregın yaprakların aşasa, degen.
-Vay aşamam, degen.Koyan da:
-Mına senı şobanga aytayımda koteklesın, degen.Cuvura cuvura ketken şobanga:
-Şoban şoban! Terekke ayttım terk menı sallamay, eşkıge ayttım eşkı teregın yaprakların aşamay. Şo eşkını koteklese, degen. Şoban da:
Ihıı, koteklemem, degen.Koyan bo depa:
-Mına senı Aga`ga aytayım, degen.Koyan ketıp şobanın Agasına bara:
Terek menı sallamadı, eşkıge ayttım teregın yapragın aşamadı, şobanga ayttım eşkını koteklemedı, sen şo şobanga bîrşîyler aytsa, dıy.Aga da:
– Ihıı aytmam, dîy. Koyan da:
-Mına men senı ışanlarga aytayım da senın mayına tüşsünler, dîy.Koyan kete aganın samanlıgına Samanlıgın îşîde ıynap katnap cüre eken ışanlarda.Bara ışanlarga:
-Işanlar ışanlar, anav aganın mayına tüşsenız, dîy. Işanlar da:
-Tüşmemız , dîyler. Koyan gene:
-Mına men sıznı mışıklarga aytayım, dîy. Mışıklarnın canına kete:
-Mışıklar mışıklar sızge bır av bar, aşasanız anav ışanlarnı, dîy.
-Ihıı aşamamız, dîyler. Koyan da bo depa:
-Mına sıznı iytke barıp aytayım, dîy. Bara iytlrın canına. İytlerde bır aşıgıp tura ekenler:
İytler mışıknı buvmaga cuvura, mışık ışanlarnı aşamaga cuvura, ışan aganın mayına tüşmege cuvura, Aga şobannı koteklemege cuvura, şoban eşkını koteklemege cuvura, eşkı teregın yapraklarnın aşamaga cuvura, koyan mıne teregın tobesıne otura başlay sallanmaga. Tâa hala o terekte sallanıp tura eken koyan.

Derleyen: İsmail OKBAY