KOŞKAR

Biyakay; şalışkan masasından turup terezeden tısyaka karadı,kas kararganın kördü.Ertengi kün arpe,sorada dört kün bayram bar bikemmen ullarım kimisin kayda ketiyik dep tüsüngenlerdir,
Er cıl bir cerlerge kıdırmaga ketemizya alıstılar bılay bayram geşirmege dep söylendi öz özüne.
Onun kasında şalışkan kisilerde iş vaktındın pitiygine tuvra masaların toplap onun şıkma vaktın beklep oturdular.Zilge basıp sekreter bikedi şakırdı:
-Bayramda mında bolmayıkmız ama bayramdan kaytıp kelgenson bayramlaşırmız,meni beklemeniz tutas şalışkan arkadaşlar darkalsınlar dedi.
-Bu bayram kayda ketiyiksiniz dep sordu sekreter bike:
-Bilmiymen,er cıl kalabalık şeerden kaşıp bir cerlerde bayram geşiremiz ama,ondanda arzimdi aldım bu cılda köyüme ketsem dep tüsünemen ama köydede bek tuvganım kalmadı dep bikedide üyüne ciberdi.Özü barlı,vaktı cerinde kisi edi.Şalışkan iş cerinden şıktı,arabasına minip üyüne bardı,şoperinede bayram pitkenson kelip meni alırsın arabadı taslap üyüne ket dep ciberdi.
Akşam ötmeğin cegensora,birevi on,anabirevside sekiz casında bolgan eki uluman bikesi bayramda kayda ketiyikmiz dep soradılar.Cazlık üylerine er cıl ketkenlerin,karcavgan üşün kayak cerine ketiyik bolganların ayttılar.Biyakay:
-Tavga karda kaymağa cıl basında ketermiz,er cıl ogada kettik.Men bu cıl kurbandı köyümde kesiyim dep tüsünemen dedi.Eki ulu ketiyik bolsada bikesi:
-Senin köyünde ne etiyikmiz,kurban keseguy dep yene er cıl etkenindiy Alemiy akana teleponman aytar parasın ciberirsin oda bir eki koşkar soyup dağıtır,ketmiyik dört kün köyde tarsıgırmız degende.Biyakay bikesine aylanıp :
-Olay aytasınya,köyde atamdan kalgan üyümüz kaş cıldır kapavlı turadı.Rametli anamdın köyde ölemendep erisip ketip onda oturup sorada anyaka köşkeninden beri köyge ketmedik,Men er cıl cazga şıkmaga tuvra erekten tuvganım bolgan Pevirye totama kabermen biraz para ciberip üydü kaktırıp,sılatıp temizletemen.Bu bayramda köyüme ketiyik köyümdün kişkene camisinde bayram namazı kılayım.Kurbandı gene köyümde özüm basında turup soydurayım,kimlerdin carlı bolganın bek bilmiymen, onlardı üyrenip kurban eti darkatayım dedi.Eki uluda atalarından yakka boldular.Anaları şeerli kızı bolgan üşün köyge bek ketkisi kelmesede akayı olay dep ullarıda oga kosulganga indeyalmadı.Colga şıgıp yassı vaktında köylerine bardılar.Üy temizlenip arıngan,
tısyakları kireşmen appaşık etilip sılangan.Anası kaytip taslap ketken bolsa olay turu.Erte bayram namazında eki ulun alıp köydün camisine ketti Biyakay.Camide bayramlaşkanson üyerdeki kalkman barabar köydün mezarlığına kettiler,duva etildi.Özündün atasıman anasındın kabirlerin tabıp ballarıman barabar olargada duva ettiler,kaytıp üylerine keldiler.Bir ayatman eki üşküyden bolgan kişkene kerbiş köy üyü eki kişkene balaga bek kişkene köründü.Keşe kelgenlerine bek aruv etip karamadılar bolayık üydün duvarlarındın işide tısınday ak kireşmen sılavlı ama üşküydün tör betinde köşde müyüzleri üyken burataklı bir koşkar basındın kagıvlı bolganın körüp atalarına bu ne boladı dep sorganda ataları ;
-Aldında ketip kurbanlıklarımızdı Alemiy akamdın sayasından alayık,kesip köyde kerek bolganlarga darkatayıkta sora aytarman dedi.Eki ulun alıp Alemiy akay’dın köydün cogarsındakı koylardın kapavlı bolgan sayaga bardılar.Sayadın işinde ayrı cerde bolgan kurbanlık koşkarlardı kördü balaları.Biyakay üyerde bolgan şobanga koşkar soymay kısır koylardan semiz soylarından saylap üş koy ber dedi.Özüde uyaka ketip şobanman barabar üş koy sayladı.Eki uluda atalarına,
koşkar soyamız dep erisselerde onlardı tınlamay koylardı üylerindin azbarına akeldirip soydurdu. Ekevin şobanman köydeki carlılarga ,erektende bolsa tuvganlarına ciberdi.Bikesine üşküydün ortasına cer sıprasın saldırdı.Kavurulgan kurban etin dörtevi cerge oturup ciyatkanda közü karşıgadakı duvarda kagıvlı koşkar basına kaydı,közleri torlanıp balalarına aylandı.Ne üşün koşkar kurban ettirmegenin bılay ayttı:
-O vakıtlar köyde kişkene bala edim.Azda bolsa bizimde koylarımız bar edi.Kurban bayramına bir ay gadar bar ekende atam koylarımızdın işinden bir koşkardı ayırıp arandın bir kuvusuna taktalarman kapatıp asramaga basladı.Kaytip cemliyiğimdi,suv beriyiğimdi maga üyretti.Mende o koşkardı atamdın üyretkenindiy asradım bekte süydüm.O vakıtlar bayram cazdın künlerinde bolataganedi,o koşkarda maga alıstı.Kündüz kayda ketsem onuman kettim.Akranlarımman köy işinde oyunlar oynaganda bile menim artımdan kelir edi.Kün boldu,bayram keldi sizmen etkenimizdiy atamman camige kettik,üyerdekilermen tögereklesip bayramlastık,mezarlıkka ketip duva ettik.Üyge kaytıp kelgenson atam arandan koşkardı şıgardı,soyayık vakıtta koşkar kelip manrap meni calamağa basladı.Mende onun soyulayıgına mıgayıp cılap soymayık dep atama anama calbardım.O arada sav bolgan nenem üyden şıgıp kelip:
-Ket koylardın işinden bir kısır koy tabıp akelip soy,mina bala ösesip cılabyatır,bayram kününde bu baladı cılatma degenimen, atamda başka ayvandı kurban etip soydu.Bu koşkar menimen barbar üş dört cıl taga yaşadı ama kartayıpkoyu, bir kün kelip aranda kapavlı cerinde öldü.Terisin sıdırıp kalganın aketip köydün tömenindeki derege attık ama atam bu koşkardın ölgenine men bek cılagan üşün müyüzlerimen basın tolturup kurutup akelip üydün duvarına kagıp
astı.İşte menim balalığımda süygen koşkarımdın bası bu.Men sora şıgıp okumaga kettim,kuday maga köp barlık berdi bay kisi boldum.Atam anam köyde oturdular.Aldında atam anyaka köştü sorada neneniz ketkenimen üy kapavlı kaldı.Bir üydün bir ulu bolganım üşün bu üyümüzdü iş buzmadım.Nenenizdi cerlegenson mende köpten köp kelmedim ama üydü karattım.Özümdün kurbanımdın basın körgenimen balalığım esime tüstüde koşkar kurban etmegenim ondan boladı dep balalarına anlattı.Kurbanlar soyulup kavurmalar celingenson köydün bikeleri, kişkene balaları,tutas köy kalkı keldi üylerine kol öbüp bayramlastılar.Eki kişkene bala köy işine şıktı.Köydeki akranlarındı arasına karısıp onlarman dıgay,aksüyek,atlanşıkatlankonak oyunların üyrenip oynadılar.
Keşeleri akaylar keldi,bazı tuvganları olardı konak etip şakırdılar.Bayramdın kaydiy geşkenin
abaylamadılar.O künden son tavga kayakka,tısyaka,cazlıkka nege ketmediler.Kurban bayramlarında köylerine kelip kurbanların soyup köydekilermen barabar dört kün bayramdı
yasaytagan boldular.08 ARALIK 2008

Barlık sizdi koymay tapsın
Kutluluk üstünüzdü capsın
Soygan kurbanınız kabul bolup
Kudayım sizdi yarlıkasın.

Hepinizin kurban bayramınız kutrlu olsun.Sav bolup savlukman kalınız.
Necdet ÖZEN
Aktepe(Rıpkıye)Alpu-ESKİŞEHİR