3 Nisan, 2025
0 Comments
1 category
| Ertengı : Necdet ÖZEN |
| TUVGANIM (AKRABAM) |
| Kanbolat akay yetmiş casın tapkan üşün aruv bolgan işlerin eki uluman kiyevine taslap özü bir köşege tartılsada canı tarsıgıp balalarına bardı, karadı işlerdi özünden aruv yasaganların körüp süyündü. Onlardın kasından ayrılıp komşusu kuyumcuğa uğrap eki burma bilezik aldı,akşam üyge kelgende o akşam ötmeğin kızı Urkıya’dın üyünde cedi. Özündün dört dayreli apartmanında eki ulu kızıman barabar oturataganediler. Ötmekten son eki kelnimen ularlı da kelgende onlarga aylanıp:-Ananızdın anyaka köşkeni bir cıldı geşti, kızımman eki kelinim maga bek aruv etip karaydılar, bılay bolgan son üylenmege niyetimde cok ama kelinlerim maga adetimizden ötürü söylemiydiler kolumdu öbünüz dep eki kelinine kolun öptürüp algan bileziklerin kollarına taktı sorada menim iş cuvuğum tuvganım cok abam rametlimen Dobruca’dan köşüp kelgende kalgan bir köyümüz bar edi onda barayım abamdın mezarın tabayım belki tuvganlarım da kalgandır altmış cıldı geşti ketmedim dep ayttı.Ertesi kün trenge mingizip Kanbolat akaydı ciberdiler. Trenden tüsken son köydün atın aytıp köyge ketken otobostu tabıp köyge taman cönedi.Caz künü arman vaktı bolgan üşün köy kalkı armanda şalışıpyatır ediler. Ekindi avgan son köydün otobosu toprak coldun artında ak bir toz savurtup kelir Akbayırdı avganda da otobos köyden körünür, köydün kişkene balası kızı orta şeşmedin bolgan cerine cıyılsır, şeerden kelgenlerdi karşılap tuvganların cuvukların üylerine aketir ediler. O kün de üydün kişkene ulu Mıradasıl aydagan düvendi atasına taslap cuvurup orta şeşmege ketti. Otobostan köp kıisilermen barabar Kanbolat akayda tüstü tutas kalk üylerine ketselerde Kanbolat akaydın bir kolunda bavulman köydün işin, aralıklardı kıdırganın körüp bu şimdigeşek iş körmegen akaydın artından ketti Mıradasıl. Onun özlerindin milye, aşık, aksüyek oynagan bir curtlukka barıp toktaganın, curtluktun kasındakı kültöbege şıgıp şonkayıp oturganın körüp kasına bardı:-Atam, seni bu köyde, cuvuk Nogay köylerinde körmedim, kimlerden bolasın dep soradı. Kanbolat akay da O’ga:-Sen meni tanımazsın balam, menden kart soyları belkim meni tanırlar ya onlarda yaşaydı bolsa dedi.Mıradasıl, Kanbolat akayga barıp kolun öptü.-Menim dedem de Nenem de savlar, ekevi de 90 casın taptılar. Bizge ketiyik konağımız bol dedi.Kanbolat akaydın bavulun aldı üylerine aketti. Zemine kurtkaman Siydali kart üylerindin aldında sundurmağa cayılgan cayuvdun üstünde minderge oturu ediler. Mıradasıl onlarga aylanıp:-Mına sizge konak akeldim, kimlerden ekenin soradım ya kartlar meni tanırlar dep özün kim ekenin aytmadı dedi. Kanbolat akayga da canasadakı askanadan bir kenşek mindermen castık akelip kolun öbüp oturttu, koşkeldin degendiy basın tömenge sallap ketti. Kanbolat akay İstanbul’dan kelgenin abasındın mezarın körüp duva etip kaytayığın aytkanıman Zemine kurtka oga aylanıp kim ekenin kimlerden bolganın, biledi bolsa tamgasındın kaysı ekenin soradı, Kanbolat’ta bilgenlerin bılay ayttı:-Menim atım Kanbolat, atamdın Cetisan, abamdın da Akkermanlardan ekenin abam sav ekende aytkan edi. Men bir casımda ekende atam menimen abamdı Köstance’den papırga mingizip İstanbul’ga cibergen, özü de köp malımız bolgan üşün kasındakı kisilermen aydap kelirmen İstanbul’da tabısırmız degen ama özü de mallarımız da kelmegen, colda onlardı öltürgenlerin tuyganlar. Abamdın erekten tuvganı bolgan Menlişa degen birevi bizdi alıp bu köye akelip eke köz üy yasap cerlestirgen ama men altı yedi caslarında ekende abamda avurup anyaka köştü. Menlişa karttın da bala şagası cok edi, men de bir kün kaşıp cayav istasyonga ketip trenmen İstanbul’ga bardım, özüm şalışıp terzilik üyrendim, marebege kettim, sav kaytkan son Dobruca’dan kelip Şeremin’ge cerlesken Şevkıya’man üylendim, işlerim aruv boldu, özüme dört katlı üy yasadım. Eki ulumuz bir kızımız boldu, olardı üy ettik. Bıltır da bikem anyaka köştü, ballarga işlerdi taslap özümde kartaygan üşün canım tarsıktı, tuvganım kalmagandır ya ketip turadı bosa abamdın mezarın tabıp duva etiyim dep mında keldim, dep aytkanıman Zemine kurtka oga aylanıp:-Senin dedi, abandın atı Börzade tuvul mu edi dedi.-Tuvra dedi Kanbolat akay, o vakıt atandın atı da Bekbolat bolayık dedi, Siydali kart.O da tuvra dep oturgan cerinden cas ciğittiy şorşup turup ekevindinde kolun öptü Kanbolat akay:-Menim dedi tuvganlarım barmı kayerdeler olardı tabayım degende Zemine kurtka:-Senin abanman men akran bolaman, Siydalimen biz o yakta üylendik, sora Aktoprak’larga bıyaka köştük, Menlişa akaydın atasıman senin deden kardaş boladılar. Senin abandın kart ayyesi Akzade edegen bir kurtka edi. Akzade kurkta da menim dedemdin karındası boladı. Memetşa alardan birevi kalmadı, senin en yakın tuvganın bek erekten de bolsa men bolaman dedi.Oturup üş kart cılastılar, Onlardın birbirevlerine aytkanların üydün ullarıman kelinleri tögereklesip oturup tınladılar. Kanbolat akayga köydün başka kartları abasındın mezarın tabıp körsettiler. O da duva etip kaytaman dese de Zemine kurtkaman Siydali karttın balaları onu taslamay birkaş kün konak ettiler. Şimdi caz, kışka tuvra köydün işleri piter, o vakıt kel dep ciberdiler.O künden son Kanbolat akaydın balaları torunları köyge keldiler tuvganların kördüler, kış bolsa Siydali kart’tın ballarıman torunları da onlarga bardılar. Kart soyları vadesi kelip anyaka köşüp ketseler de onlardan kalganlar birbirevlerimen katnasıp cürdüler.Daha önceleri varlıklarından pek haberdar olmadığımız, ancak Sabantoylar ve diğer etkinlikler nedeniyle tanıma fırsatı bulup görüşerek kaynaştığımız çok sevgili Nogay Türk kardeşlerime yani akrabalarıma (Tuvganlarım), düzenlenen sabantoylarda gösterdikleri özverili çalışmalarından dolayı tüm dernek ve muhtarlara geç de olsa daha önce yazdığım uzun bir hikaye den kısaltarak yazmaya çalıştığım TUVGANIM (AKRABAM) isimli hikayemle teşekkür ediyorum.Daha nice Sabantoyları sağlıkla geçirmek dileğiyle sav bolup savlukman kalınız. 14.06.2008Necdet ÖZENAktepe (Rıpkıye) – Alpu – ESKİŞEHİR |
Category: 2008