Sosi yatlavdı Kazı – Tuvgan XVll.inşi ömirde Yem, Yayık, Edil boyların cungar baskınşılar basıp alganda yazgan.

Yayıktı aldı. Yemdi aldı,
Edildi aldı. Tendi aldı,
Endi almagan ne kaldı ?
Ağalardın kolınnan
Talpıy turgan kustı aldı.
Endi almagan ne kaldı ?
Bası sayın baslavlı,
Baslavının
Bası sayın kıslavlı
Kara – Duvan
Masak değen yerdi aldı,
Endi almagan ne kaldı ?
Yegerine bu enci
Ayın örkeşli tüye aldı,
Savarına bu menci
Saylap – saylap biye aldı,
Endi almagan ne kaldı ?
Sayına salar may aldı,
Şaykap işer tuz aldı
Endi almagan ne kaldı ?
Burşaladan köylekli,
Burkısıgan yıparlı,
Burnında
Dana kümis alkali,
Tamagının astında
Sarı altın tüymeli,
Ayga, künge tiymegen,
Edem betin körmegen,
On bettegi erüvge
Tiye yazıp az kaldı.
Yemdi alsa – Yayık bar.
Yayıktı alsa – Edil bar.
Edildi alsa – Koban bar.
Kobanda
Ayın kuyrık saban bar.
Kobanda
Taram – taram togay bar,
Togay tolı Nogay bar.
Bar tabılar – yok keter,
Esen kolga mal biter.